बाप लेक

नाते तुझे नि माझे

बाप आणि लेकीचे

बोबडे बोलणाऱ्या बोलांचे

घुंगरू बांधलेल्या नाजूक पायांचे

नाते तुझे नि माझे

बाप आणि लेकीचे

तिच्या होणाऱ्या कौतुकाचे

सतत हसणाऱ्या आवाजाचे

नाते तुझे नि माझे

बाप आणि लेकीचे

पहिली पोळी लाटून तिची

चव जगावेगळी भासण्याचे

नाते तुझे नि माझे

बाप आणि लेकीचे

जेवणाची वेळ झाली म्हणून

पटकन लेकीला शोधण्याचे

नाते तुझे नि माझे

बाप आणि लेकीचे

मोठी झाली की लग्न मांडवात बसवण्याचे,

मन मारुनी एका कोपऱ्यात रडण्याचे

नाते तुझे नि माझे

बाप आणि लेकीचे 

सासरी लेकीच्या गेला तर

तिचा आनंदी आनंद पाहण्याचे

नाते तुझे नि माझे

बाप आणि लेकीचे 

घट्ट नाळ जोडलेली असून

जीव लेकितच अडकण्याची