आनंदकंद

माझ्याच आर्जवांना सांगू कसे कळेना

शब्दात लक्तरांना मांडू कसे कळेना

 

सारे खवाटलेले चंगळ सुसाटलेले  

साऱ्या भ्रष्ट बुडाला गाडू कसे कळेना

 

सारेच रोज येथे घालून मुखवट्याला

माझा नि कोण परका चाळू कसे कळेना

 

कोणास काय पडले आहे इथे कुणाचे

टाळून भावनांना वागू कसे कळेना

 

ह्याच्या घरातली हा गल्लीत घाण फेकी

दिल्लीस दोष देती भोंदू कसे कळेना

 

अवतार कोण घेतो सारी हयात देतो

स्वार्थात चित्र त्यांचे टांगू कसे कळेना

 

स्वातंत्र पाहिजे पण कर्तव्य का रूचेना

आदर्श जीवनाला पाळू कसे कळेना