आदर्श गाव

डोंगराच्या पायथ्याशी , 

गाव माझे वसले आहे । 

शेती आणि बाग आहे , 

त्याच्या जवळ नदी वाहे ॥ 

गावाच्या टोकावर ,

देवळात हनुमान विराजे ।

मधोमध शाळा आहे , 

ज्ञान प्रकाशून साजे ॥ 

गावाला जागवितो,

रोज वासुदेवाची सवारी । 

सजलेल्या अंगणात , 

रांगोळी दारोदारी ॥ 

शेतकऱ्यांचा हा गाव , 

प्रत्येकाघरी गायी बैल | 

घुंघराच्या आवाजात , 

येता जाता झुमे डैल ॥ 

दुध दही होते घरी , 

रोज विकतात शहरी । 

भाजीपाला मिळे ताजा , 

आनंदात वाजवी बासरी ॥ 

गावामध्ये पाटलांचा , 

मान करतात सर्वजण । 

प्रेमाने साजरे होते , 

सर्व उत्सव आणि सण ॥