શોધ

ખોળતા ખોળતા પ્રભુને ભાળ્યો

પર્વતશિખરે સ્મિત વેરતો ભાળ્યો

શોધતા શોધતા સરોવર ભાળ્યું

સરોવર નીરે પ્રતિબિંબમાં ભાળ્યો

ભમતા ભમતા વન જંગલમાં

ઊંચા વૃક્ષોની ટોચે ભાળ્યો

ફરતા ફરતા સાગર તટે

સાગરનાં મોજામાં ભાળ્યો

ઉડતા ઉડતા અંબર ઓવારે

વાદળો અને વીજમાં ભાળ્યો

ભાનુ મયંક તારી બે આંખો

ખભા તારા ફેલાય ગિરિમાળામાં

સહસ્ત્ર બાહુ અનંત આકાશે

ચરણ તારા સાતમે પાતાળે

જ્યાં જ્યાં નજર મારી ફરે

વિરાટ સ્વરુપ તારું નિહાળું

નર નારાયણ રુપે તું દેખાયો

સુક્ષ્મ રુપે તું મુજમાં સમાયો .