ઓ કાન્હા, કેમ ભૂલાય
ઓ કાન્હા, કેમ ભૂલાય
ઓ કાન્હા રે...
કેમ કરી ભૂલાય, તને કેમ કરી ભૂલાય ?
નંદબાબા, યશોદા મૈયાનું નામ અમર કર્યુ રે.
આ વાત જગતમાં જાહેર છે,
ઓ કાન્હા.. કેમ કરી ભૂલાય.
ગોકુળમાં ગાયો ચરાવતાં,
સૌ ગોપ ગોવાળોને રાજી રાખતાં,
ભાવના ભાવે બોલાવે,
એનાં ઓરતાં પૂર્ણ કર્યા રે.
શાન અને નામના અપાવતાં,
ઓ કાન્હા.. કેમ કરી ભૂલાય,
મહાપ્રભુજી નાં હ્રદયે રમતાં,
રાધે રાધે નો પોકાર કર્યો છે,
રાધાનાં બેલી શ્યામ છો;
ઓ કાન્હા... તને કેમ ભૂલાય,
કહેવા માંગે ગોપ ગોવાળો,
રાખી તમે ભકતોની લાજ.
ચમત્કાર કર્યો ને
ગોવર્ધન પર્વતને આંગળીએ ધારણ કર્યો,
તમે સુદામાનાં તારણહાર સખા,
ઓ કાન્હા કેમ કરી ભૂલાય.
જોજો રે.. સાંભળજે રે..
મથુરા જઈ ના ભૂલતો કનૈયા રે.
મોરપીંછ ધારણ કરતાં,
મીઠી મોરલી વગાડતા,
ઓ કાન્હા... કેમ કરી ભૂલાય.