લખતી મા તું વસિયત

લખતી મા તું વસિયત….

 

એક વિધાતા બીજી માતા

ધન્ય જ ભાગ્ય સવૈયા

ઉતારે  ના  ઉતરે  એવાં

ઋણ  જ  તારાં  મૈયા

મઘમઘ થાતું  હૈયું  તારું

ઝીલે  શૈશવ  ન્યારું

હાલરડાં એ મીઠાં મોંઘાં

હૂંફ  ભરે  ભવ સારું

માત તમારો ધર્મ જ એક

સમર્પણ  ને  સેવા

તું  ઘડવૈયા  વિભૂતિની

પાલવડે તવ મેવા

કાગળ  જેવા  કોરા  અમે

લખતી મા તું વસિયત

કેમ ન માના ચરણ પખાળું

વૈભવ ધરતી રળિયત

મધુરમ અમૃત પાન જ મા તું

પ્રગટ થયું ઘર તીરથ

ઈશ્વરની  તું   આપકળા  મા

ધન્ય જ સંસાર ગરથ(૨)

રમેશ પટેલ(આકાશદીપ)