કમાલ

જુઓ જુઓ આ દુનિયામાં કેવી કમાલ છે,

જ્યાં જુઓ ત્યાં બધે નાની મોટી ધમાલ છે.

રામ જેવા રામે જઈ વને વાસો દીધો,

સાધુ વેશે સીતા હરી દૈત્યે દગો દીધો.

પાંડવ જેવા પાંડવ એ વન વન ભટકયા,

પ્રારબ્ધનાં પકડમાંથી એ ય નથી છટકયા.

દમયંતી ને નળને દુઃખ પડ્યું નથી થોડું,

અંગે નહોતું વસ્ત્ર અને પગે નહોતું જોડું.

ભાવના લલાટમાં લખ્યું નહીં મટશે,

વધાર્યું નહીં વધું અને ઘટાડ્યું નહીં ઘટશે.

અવનવી ઘટનાઓની આ કમાલ કેવી છે,

સમજ્યાં કોઈ નહીં એવી આ ધમાલ છે.