હિંડોળા
હિંડોળા
1 min
277
હિંડોળા….
વિરાટના હિંડોળા બહુ રે વ્હાલા લાલજી
હૈયાના હિંડોળે બિરાજો રે લોલ
નભે રમતા કોટિ તારલીયા સંગ નિત
મારા ઘર દીવડે પધારો રે લોલ
રૂડા સજાવ્યા રે ચૌદલોક તમે વ્હાલા
અમે સજાવીએ ને તમે ઝૂલો રે લોલ
અમૂલખ ખજાના છે રાજ રાજેશ્વર
તુલસીના પારણે પોઢો રે લોલ
લાગો રૂપાળા રે માધવ નટખટિયા
દેશું માખણ દાન વ્હાલે રે લોલ
ડાકોરના ઠાકોર રાય રણછોડ મારા
ઝીલીએ દર્શન સુખ ન્યાંરાં રે લોલ
રમેશ પટેલ(આકાશદીપ)