એવાં ગુરુદેવ

એવાં ગુરુદેવ અજ્ઞાન દૂર કરે રે,

ગુરુ વિના દરબદર ભટકતાં રે.

અંધારે અજવાસ બતાવે રે,

ભવરણમાથી પાર ઉતારે રે;

એવાં સમર્થ ગુરુ છે.

સાર વિહોણા આ સંસારમાં,

ભાવના ગુરુ શરણું એક સાચું છે;

એવાં ગુરુદેવ કલ્યાણકારી છે.

દુવા થકી દુઃખ દૂર કરે,

ભૂલો ભૂલી ,સાચો રાહ બતાવે છે

એવાં ગુરુદેવ ક્ષમાવાન છે.

અંતરમાં જયોતિ પ્રગટાવે રે,

ઈશ્વરની નજીક પહોચાડે રે;

એવાં ગુરુ ભક્તિ માર્ગ દેખાડે રે.