એમ કંઈ ભણવાનું ચાલે ?

મારા વજન કરતા 

મારું દફતર ભારે

એમ કંઈ ભણવાનું ચાલે ?

બાર બાર ચોપડીને

બાર બાર નોટો

પાણીની બોટલ ને

નાસ્તાનો ડબલો

બધું ઊંચકતા ફાવે ?

એમ કંઈ ભણવાનું ચાલે ?

વાંચવામાં ગાઈડો

ને એસાઈમેન્ટ પાછા

મોટા મોટા પ્રોજેક્ટો બનાવીએ

નાના ટાબરિયા ને 

પીએચડી કરવાનું ફાવે ?

એમ કંઈ ભણવાનું ચાલે ?

સવારે લેસન ને સાંજે લેસન

ઉજાગરો કરી અમને

રમવાનું ફાવે ?

આમ કંઈ ભણવાનું ચાલે ?

ઘરઘર રમવાની

નાની ઉમરમાં

ઝૂમની મીટીંગો ફાવે ?

આમ કંઈ ભણવાનું ચાલે ?