એક તારું નામ

એક તમારાં નામ ઉપર ભોળા શંભુ થઈ છું ઘેલી રે,

લઈને ફકીરી નીકળી એકલી, મહાદેવ તમને મળવા રે.

તમારાં ભરોસે મહાદેવ, સારી દુનિયા છોડી રે,

અળવી હવે કરશો નહીં, ભાવના હાથ જોડી વિનવે રે.

ભોળાનાથ ત્રિપુંડધારી શંભુ, વિશ્વ કલ્યાણકારી રે,

આંખોથી અળગા નાં થાશો, દેજો દર્શન લહાવો રે.

સ્વાર્થી દુનિયામાં નથી કોઈ મારું, ભોળા શંભુ શરણે આવી રે,

મારું મારું કરીને આ જીવન ધૂળધાણી કર્યું રે. 

ખોટું રોવે સંબંધીઓ, મહાદેવ સાચું સગપણ તમારું રે,

જરૂર પડે આવી મળતાં, ગરજ પતી એટલે વૈદ્ય વેરી રે.

માયા કોરે મૂકીને આવી હું, ભક્તિ કરું શિર સાટે રે,

મહાદેવ આશરો એક તમારો, શરણમાં લઈ શાંતિ આપો રે.