દિવાળી છે

અમારે તો અમાસ અને તમારે ત્યાં દિવાળી છે,

પૂનમનો ચાંદ છે ત્યાં ને અહીં તો રાત કાળી છે,

પૂછે છે એ મને અજવાળવા ઘર શું તમે કરશો ?

સદા રોશન રહે માટે અમારી જાત બાળી છે,

કસમ તો જો બધા લે છે ફકત લેવા ખાતર જ તો,

અમે પ્રતિજ્ઞા જે પણ કીધી બધી તે આમ પાળી છે,

બધા તો એમ માને નામના એમ જ અમારી છે,

કહું શું એમને આ જાત પરસેવે પલાળી છે,

જુઓ તકદીર કેવા ખેલ ખેલે છે અહીં "સંગત"

હું જ્યારે કાઈ માંગુ બસ એ આપે હાથતાળી છે.