శ్రీనివాస

ॐॐॐ

श्री गुरूभ्योनमः

श्रीमात्रेनमः। 

🍁🌷🍁🌷🍁🌷🍁🌷🍁🌷🍁🌷🍁🌷

*నినుగని మురిసెద తిరుమల వరదుడ*!! 🙏

*నినుగని* యెంతమంది ప్రతి నిత్యము పాపపు రాశివీఁడగా

నినుగని యెంతమంది తమ నిక్కము ప్రేమను దెల్పుచుందురో

నినుగని యెంతమందియు వినీతులు నయ్యిరొ శ్రీ నివాసుడా! 

నినుగని నే తరింతునయ నిశ్చల తేజుడ పద్మరాగమా!! 

*మురిసెద* నీదు చెంత కని మూలవిరాట్టుగ శాస్త్ర సన్నుతా

మురిసెద నిత్య మంగళ సమూహ ప్రమోద వివాహ తంతునన్

మురిసెద జూఁసి వేఁడుకను భోగపరాయణ నారసింహుడా

మురిసెద లక్ష్మి చెంత నిను ముద్దుగ నుండగ తన్మయంబుతోన్!! 

*తిరుమల* రాయుడయ్యరొ! ప్రతీదినంబున గొల్చుచుంటి నీ

తిరుమల వచ్చి మ్రొక్కులను దీర్పగ నిచ్ఛ విరాళి యుండగాన్

తిరుమలలోని పూవుగల తీగను నైన ను చాలు ధన్యతన్

తిరుమల నాకమైయలర తిన్నగ నీదరి చేరనీయరా!! 

*వరదుడ* వీవు మంగపతివై చెలగంగ ప్రమోదమాయనే

వరదుడ వందురే నిను శుభంబుల నిచ్చె డి వేంకటేశ్వరా! 

వరదుడవై యిలన్ వెలసి భావి సుభిక్షముజేయ బూనగా 

వరదుడ! నమ్ముకుంటినను పాలను ముంచర మోక్ష మీయు చున్!! 

✍️చావలి బాలకృష్ణవేణి 

  1::03::'23