पोळा
पोळा
1 min
20.6K
सण आला पोळ्याचा
सजली ही बैलजोडी
चालली झोकात जणू
कोणी आसामी बडी
धारदार असती शिंग
डोळे काजळाची खाण
पिळदार बांधा भारी
कसदार रुंद मान
रेशमी झुल अंगावर
पायी छुमछुम वाळा
नाकात शोभते वेसण
गळा वाजे घुंगुरमाळा
सालभर राबती शेतात
मी त्यांचा ऋणाईत
जनावरे जरी ती मूकी
माझ्या गळ्यातील ताईत
करु आज खांदेमळन
घालूया अभ्यंगस्नान
खऱ्या या पोशिंदयाचा
आज करुया रे मान
सर्जा -राजा माझा प्राण
पुरणपोळी देतो खाया
' नका घेऊ धनी गळफास'
म्हणती मज करिती माया