।। अभंग ।।

लागलीया आस । पांडुरंग भेटी

वैष्णवांची दाटी । पंढरीशी

कपाळी चंदन । विणेसी वंदन

टाळी ब्रम्हानंद । लागलिया

भक्तीभाव मनी । पायी चाले ओढी

मुखी नाम गोडी । हरीनाम

भगवी पताका । लहरे गगनी

घाट तो हिंगणी । मोहरला

पावसाची सर । सुखद गारवा

घुमला पारवा । अंतरंगी

अंबारी पादुका । संत ज्ञानेश्वर

चालला ईश्वर । माहेरासी

टाळमृदंग हाती । धरूनिया लय

आता नाही भय । जनार्दना

जाईन पंढरी । पाहीन सोहळा

विठ्ठल सावळा । आवडीने