महापुरातली माय

भुकेल्या महापुरानं

घरटं खाऊन टाकलं

वाट तुझी पाहताती

घरट्या मधली रे पिलं ---- || १ ||

 आणे पिलांसाठी चारा

 किती टाहो फोडलास

 डोळ्या समोर पुरानं

 केला कसा एक घास ----- ||२ ||

तुझ्या पायाखालची रे

कसी जमीन फाटली

डोईवरच आभाळ

माता गिळ्या उठली ---- || ३||

 सपनांच्या सुईतून

 घातलेले टाके सारे

 आपोआप उचकती

 उसळत्या महापुरे ----- || ४ ||

घर गाठता गाठता

आले दारत मरणं

पाऊस झेलता झेलता

पक्षी आभाळी मरणं ---- || ५ ||

 हुज्जत घाले पावसाशी

 काय घडला रे गुन्हा

 काही सांग नारे बाप्पा

 का आटतो हा पान्हा ----- || ६ ||