પ્રકૃતિનો પ્રેમ પ્રસ્તાવ

સન્નાટાનોજ એ શાંત શોર હતો
એક મધુર મૌન પગરવ હતો 

શુષ્ક પર્ણોની ઝાંઝરમાં સાંભળો
નિસર્ગ નૃત્યનો જ કલરવ હતો

ભવ્ય ભેદ ચિરતી ખામોશીમાં
નિરવતાનો જ રમ્ય રવ હતો

ને ભવ્યતાથી ભરપૂર તેથી જ
આ વર્તમાન ક્ષણનો ભવ હતો

તહેવાર જેવું તો કઈ હતું નહિ
તોય ભીતર એક ઉત્સવ હતો

નભની ફેલાયેલી અસીમ બાહોંમાં
મને પ્રકૃતિનો જ પ્રેમ પ્રસ્તાવ હતો

આ તે કેવી "પરમ" પીડા આવી રે
ખુશીનો "પાગલ" અવસર હતો.