છળ હોય

આ ઝાકળનું સૂર્યકિરણનાં પ્રેમમાં પડવું સાવ છળ હોય,

ને અંધારાનું પડછાયાના પ્રેમમાં પડવું પણ સાવ છળ હોય,

રૂહનું વલણ આ હવાની લહેરખીઓ જેવું જ અસ્તિત્વમાં,

ને એ એને એમ સમજે કે કદાચ આ પણ સાવ છળ હોય,

તારી યાદોના રણમાં હાંફતી બે શ્વાસો વચ્ચે એક અમર આશ,

મિલનની ક્ષિતિજે એ પણ ઝાંઝવા જેવું જ સાવ છળ હોય,

એ આવ્યા છે એવો એક ભાસ આ ધુંધલકામાં મને સતત,

મારાજ આયનામાં મારા જ અક્સ જેવું પણ સાવ છળ હોય,

હવે તો ક્યાં કોઈ ફરિયાદ રહી મને એના નામની "પરમ"

ને એના "પાગલ" અફસાનામાં મારું હોવું પણ સાવ છળ હોય,