ફરી બાળક બનાવી દે.
ફરી બાળક બનાવી દે.
1 min
1.3K
ફરી નિર્દોષતા કેરો, મને વાહક બનાવી દે;
પ્રભુ! અરજી તને, મુજને ફરી બાળક બનાવી દે.
જુઓ આ ચાંદ પણ મુજને, હવે લાગે ફકત ગોળો;
મને મુજ ચંદામામાનો ફરી ચાહક બનાવી દે.
જુઓ જવાબદારીના જહાજો ડુબવા લાગ્યા;
મને કાગળની હોડીનો, ફરી તારક બનાવી દે.
લખોટા, ટાયરો,પાટી અને ગારાની ગાડીઓ;
એ જ મિલકતનો મને માલક બનાવી દે.
''સદાયે રે'જે ઝળહળતો''- એ આશિષ દેતી મુજને બા;
મને મુજ બાની આંખોનો, ફરી તારક બનાવી દે