કાંટાળો માર્ગ

પ્રીતનો માર્ગ છે કાંટાળો ઓ સાહેબા,

પાનીયું તમારી સંભાળો ઓ સાહેબા.

મેંદીના રંગ ઊતર્યા ઓ સાહેબા,

મેંદી ઘૂંટીને પલાળો ઓ સાહેબા.

પંખીડા આઘે નીકળી ગયા ચણવા,

હુનો હુનો પડ્યો માળો ઓ સાહેબા.

નદિયું ઉભરાણી રે વહાલની,

બાંધો રે બાંધો પાળો ઓ સાહેબા.

મેઘલો વરસે મન મૂકીને ચોધાર,

તરસ્યાં દલડાપલાળો ઓ સાહેબા.

ઇમા મારું દલડું છે બંધ સાહેબા,

તન મારું હાચવીને બાળો ઓ સાહેબા.

'સપના'ની આંખ્યું નીતરે આંહુડાથી,

રૂમાલ તમારો પલાળો ઓ સાહેબા.