મુરત નીકળ્યું

દર્દ આબાદ આખું પરત નીકળ્યું,

જેમ શંકર મહીંથી જગત નીકળ્યું.

છે કટેવો જગતને દુખો આપશે,

દર્દમાં હસ્યા તો મમત નીકળ્યું.

યાદમાં દુઃખ અમે વેઠતાં ગ્યા પછી,

પ્રેમનું દર્દ પણ શાશ્વત નીકળ્યું.

આયખું હું ઘણું માનતો તો કઠણ,

પ્રેમથી ખેલતાં તો રમત નીકળ્યું.

બીજ વાવ્યું હતું, કાલ નાનું ઘણું,

ઝાડ રુપે પછી એ સખત નીકળ્યું.

હોય ના લાભ કે શુભ કદી કામમાં,

હાથમાં કામ લો, ને મુરત નીકળ્યું.