સાંજ
સાંજ
1 min
468
વરસાદની મોસમને વળી આ ઢળતી સાંજ છે.
પ્રિયજનોના વિરહને જોને કળતી સાંજ છે.
ધોધમાર વરસાદમાંય દિલ સાવ કોરુંકટ જો,
પ્રિયતમ તુજ વિના સઘળી સળગતી સાંજ છે.
તપતી ધરા પર આજ હેત વરસે અનરાધાર,
વિજોગણ માટે તો કેવી આ ગળતી સાંજ છે.
ભવોભવની બાંધી સજન સંગ મેં તો પ્રીતડી,
આંખ વરસે હેલી થઇને કેવી, ઢળતી સાંજ છે.
પહેલી મુલાકાતનો મીઠડો અહેસાસ અકબંધને,
યાદોની એ ક્ષણોમાં સરી જાઉં તો ફળતી સાંજ છે.