Quotes New

Audio

Forum

Read

Contests


Write

Sign in
Wohoo!,
Dear user,
નાગલા ઓછા પડ્યા
નાગલા ઓછા પડ્યા
★★★★★

© Ashuman Sai Yogi Ravaldev

Others

1 Minutes   606    79


Content Ranking

મારો કેશરિયો ઝટ સિધાવી ગયો પરલોક,

કે મારા નાગલા ઓછા પડ્યા,


મેં તો પૂજ્યા છે જયા પાર્વતીને આ લોક,

કે મારા નકોડા ઉણા પડ્યા,

હે મારા વેણીના ફૂલડાં ગયા કરમાય,

કે ફૂલડાં ઓછા ધર્યા,


હે મારો કેશરિયો ઝટ સિધાવી ગયો પરલોક

કે મારા નાગલા ઓછા પડ્યા,


મેં તો સપના રે રંગ્યા શ્યામ તારા રે ભરોસે,

મેં તો સેંથિયા રે પૂર્યા ભોળા તારા રે ભરોસે,

પૂજ્યા પૂજ્યા મેં તો ગોરમાને સત્તર સુધી

કે મારા જવેરા ઓછા ઉગ્યા,


હે મારો કેશરિયો ઝટ સિધાવી ગયો પરલોક

કે મારા નાગલા ઓછા પડ્યા


એવી કરવાચોથમાં મેં તો આયખા રે માગ્યા,

મુજને ભૂલીને મેં તો ભરથાર રે રાખ્યા,

હે મારો ભરથાર લીધો છીનવી,

કે ચાંદલાને પાણીડા ઓછા ચડ્યા,


હે મારો કેશરિયો ઝટ સિધાવી ગયો પરલોક,

કે મારા નાગલા ઓછા પડ્યા,


હે મારી મમતાની ગોદ એવી રે સૂની,

જાણે જળમાં પ્યાસી માછલી રોતી,

હે મારી શી રે એવી ભૂલ એવરત જીવરત,

કે મારી કૂખ વાઝણી ઠરી,


હે મારો કેશરિયો ઝટ સિધાવી ગયો પરલોક

કે મારા નાગલા ઓછા પડ્યા.


કવિતા પરલોક કેશરિયો

Rate the content


Originality
Flow
Language
Cover design

Comments

Post

Some text some message..