કરતા થયાં છે આમતો સામા જવાબ પણ
કરતા થયાં છે આમતો સામા જવાબ પણ
1 min
13.7K
કરતા થયાં છે આમતો સામા જવાબ પણ
હોઠે દબાવી વાતને બૈઠા જનાબ પણ.
શાણા વલણના કારણે ચુપ્પી ધરી હતી,
માનવ થયાની શાનનો રાખે રુઆબ પણ.
દ્રષ્ટિ જગતમાં દેખતી ગમતા પ્રસંગને,
આંખે ધરેલા રાખતા ધોળા નકાબ પણ.
આગળ થવાની હોડમાં ભાગી રહ્યાં સતત,
લાગે સમય ની તાણમાં મનના નવાબ પણ.
પીડા બધાને આપતાં ડંખે નહીં હ્રદય,
પત્થર બનીને જીવતા લાગે જનાબ પણ.
વિદ્યા ભણીને થઇ ગયાં ગુરુ ગણિતના,
રાખે બધાના કર્મના પાકા હીસાબ પણ .
માસૂમ હ્રદયની લાગણી રાખી દબાયલી,
પાઠો ભણીને ભાવની ફાડી કિતાબ પણ.