લિફ્ટ હા રે એજ !

સરસર સરસર ઉપર જાય

સરસર સરસર નીચે જાય

રીંગ સુણીને દોડે ઉપર

રીંગ સુણીને દોડે નીચે

સ્વાગત કરે અણજાણ્યાનું

ગીત મધુરું ગાઈ ગાઇને.

    

ક્યારેક હોય એ સાવ સાદી

ક્યારેક તો હોય રાજાશાહી

ક્યારેક ખૂબ ઉકળાટ ભરેલી

ક્યારેક ખૂબજ ઠંડીઠંડી

જીવને એના ચેન જ નહિ

સરસર સરસર બસ જાય ઉડી.

કોકવાર ગોકુળગાય જેવી ધીરી

કોકવાર ફટાકડાની હવાઇ જેવી

સરસર કરીને જાણેઆભનેઅડે

તો વળી ઘર--ઘરકરી પાતાળને અડે

કોકવાર ત્રિશંકુ જેમ અધવચ્ચે લટકે

ખટપટ કરો જરા પણ ન ચસકે.

મનમાં એનાં શું સમજાય નહિ

લાડ માંગે એ વારે ઘડી

વ્હેલી સવારે દૂધવાળાને મળે

બપોરે ટપાલી કુરીયરને મળે

સાંજ ટાણે એ બચ્ચાઓની

દિવસરાત એ મમ્મીપપ્પાની

એકવાર જો જાઓ એની સાથે

રોજરોજની આદત લાગે

એનાં વિયોગમાં પડો જો કદી

વજન તમારું જાય ઘટી

કોઇની જુઓ તમને પણ થાય

હાય, મારે ઘેર પણ આ આવી જાય!

         

લીફ્ટ ! હાં રે એજ!