ଅଯୋଗ୍ୟ କବି
ଅଯୋଗ୍ୟ କବି
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଅଭିଧାନ ଖୋଲି ଶବଦ ଆଣୁଛ
କବିତା ଲେଖୁଛ ବସି
ଭାବର ଅଭାବ ଲେଖାରେ ହେଉଛି
ଭାବୁନ ଟିକିଏ ଦୋଷୀ !
ଛାତିକୁ ବାଡ଼େଇ ବୃଥାରେ କହୁଛ
ନିଜକୁ ବଢ଼ିଆ କବି
କଳ୍ପନା ପୁଟରେ ରଙ୍ଗେଇ ପାରୁନ
ମନର ସହଜ ଛବି !
ଶବଦ ଭାବକୁ ମେଳ ତ ଖାଉନି
ଅଯୋଗ୍ୟ କବିକୁ ଗଣା
ତଥାପି ଗରବେ ଭାଷଣ ଝାଡୁଛ
ଦ୍ବିତୀୟ ଈଶ୍ବର ଜଣା !
ମୂରୁଖ ପାଳିଆ ସଜାଡ଼ି ରଖିଛ
ଆଗରେ ମାରିବେ ତାଳି
ପଛରେ ପଛକେ ସବୁଠୁ ଶୁଣିବ
ନିନ୍ଦାର ଅନେକ ଗାଳି !
ନିର୍ଲଜ କହିଲେ ଦେହକୁ ନେଉନ
ମୁହଁଟା ବହଳ ଅଛି
ତାମସା ଲଗେଇ ଜିତିବା ନାଆଁରେ
ହାରିବା ନେଉଛ ବାଛି !
ସାଧନା କରିକି ସାଧନ ଦେଖାଅ
ସାହିତ୍ୟ କାଙ୍ଗାଳ ଠକ
ମାଳାକୁ ଗଡ଼େଇ ବୈଷ୍ଣବ ଭାବନା
ଅଧର୍ମୀ ପାମର ବକ !