व्यवस्था

व्यवस्थेच्या विरोधात

आपले नेहमीच रडगाणे ;

बेहिशेबी नियमांनी

बनले कायदे लाजिरवाणे.

व्यवस्थेत चांगल्या माणसांचे

कुजवून करतात खत ;

एकट्याला एकांतात गाठून

केले जातेय 'पानिपत'.

व्यवस्था नामक पद्धतीला

कधीच बदल नको असतो ;

"पैसा फेको, तमाशा देखो"

व्यवस्थेचा स्वभाव असतो.

पैसा फेकला की हवी

तशी व्यवस्था नाचते ;

प्रामाणिकता व सच्चाई

आपली आपल्यालाच बोचते.

दुर्लक्ष- तडजोडीचे मार्ग

आपण सर्वच धरतो ;

व्यवस्थेला शिस्त लावणारा

खरा 'लोकनायक' ठरतो.

लोकशाहीच्या हितासाठी

व्यवस्था काम करते ;

भ्रष्टाचाराला थारा देऊन

सर्वसामान्यांना जिवंत मारते.