विषय - प्रेम म्हणजे काय असतं

प्रेम म्हणजे काय असतं

रोज आईच्या हृदयातून झरतं

बाळा उपाशी राहू नकोस

आईच्या मुखातून पाझरतं

प्रेम म्हणजे काय असतं 

बाबांच्या आकुलतेतून सरकतं

बाळा या महिन्यात पैसे पाठवतो

बाबांच्या काळजातून झिरपतं

प्रेम म्हणजे काय असतं

पत्नीच्या आसावल्या डोळ्यातून लाजतं

या महिन्यात फिरायला न्याल का

विचारणार्‍या तिच्या नजरेत सजतं

प्रेम म्हणजे काय असतं

मुलांच्या तोंडातुनच वाजतं

बाबा खेळणी आणा आम्हाला

मुलांच्या हट्टातूनच भाजतं