वारी पंढरीची

विठ्ठल विठ्ठल । भक्तांची माऊली ।

माय ती साऊली । पांडुरंग ।।१।।

पांडुरंगा भेटी । भक्त करी वारी ।

हाती झेंडा धरी । विठ्ठलाचा ।।२।।

पाऊले चालती । पंढरीची वाट ।

गोड गीत गात । विठोबाचे ।।३।।

झांज टाळ वाजे । नाचे भक्त गण ।

विठू नामे मग्न । वारकरी ।।४।।

रिंगणात घोडा । भव्य तो सोहळा ।

लोक होई गोळा । पाहण्यास ।।५।।

पेरणी करून । शेतकरी जाई ।

विनवणी आई । विठ्ठलाला ।।६।।

कृपा कर विठू । पाऊस येऊ दे ।

शिवार फुलू दे । पोरांसाठी ।।७।।

चंद्रभागे काठी । विठूचा गजर ।

भक्ताचा जागर । हरिनामे ।।८।।

पंढरी नगरी । भक्तिचे आगर ।

करती गजर । माऊलीचा ।।९।।

जन्माचे सार्थक । मानी वारकरी ।

एकदाच फेरी । पंढरीला ।।१०।।