वादळ प्रभाव
वादळ प्रभाव
1 min
183
काहूर उठले आभाळात
वादळ चाहुलीने गावात
झाले सुन्न शांत नि निवांत
धस्स झाले कसे काळजात
-१-
पक्षी परतले घरट्यात
इंद्रिये लख्ख त्यांची दिशांत
सोसाट्याचा वारा फुफाट्यात
अंधारले सारे वादळात
-२-
उन्मळली झाडे अकस्मात
उडाले पत्रे छप्पर घात
उखडले खांब वीज जात
अवघी वाताहत क्षणात
-३-
जाऊनी धूळ नाका तोंडात
हंबरी गुरे ढोरे गोठ्यात
वाटे असुरक्षित दाव्यांत
माणसांचे जीवन वांध्यात
-४-