तस्मै श्री गुरवे नमः

शिष्य मनी वदे / गुरुपौर्णिमेला

दिन उगवला / सुना सुना

कधी न चुकले / वंदन तुम्हांसी

गुरुपौर्णिमेसी / आजवर

घातले थैमान / दुष्ट कोरोनाने

लक्ष्मण रेषेने / अडविले

गुरुमूर्ती दिसे / दिव्य वलयात

नमन क्षणात / भावपूर्ण

आशिर्वच देण्या / आलो तव गृही

खंत नको काही / मनी धरु

विद्या कला क्रीडा / अंग साहित्याचे

मार्ग जीवनाचे / दावी गुरु

असे माझा वास / शिष्यांच्या जवळी

मार्ग वेळोवेळी / दावतसे

सा-या चराचरी / दृष्टी असे माझी 

दक्ष सततचि / कल्याणासी

स्वरांस्वरांमधे / तल्लीन गे व्हावे

यत्न मनोभावे / नित्य करी

नित्याचा सराव / सरस्वती पूजा

हीच गुरुपूजा / जाण मनी

दिला आशिर्वाद / झाले अंतर्धान

मनी समाधान / शिष्याचिया