तो पाऊस...

मेघ पावसाळी आले

सुटलाय गार वारा

गाणे गाऊ पाहतोय

नील आसमंत सारा

गडगडणारे ढग

माणसांची लगबग

इवल्याशा छत्रीखाली

लपायची तगमग

खळखळणारा झरा

छमछम नाचे थेंब

मोर फुलवी पिसारा

तृणाला फुटले कोंब

डराव बेडूक करी

आले हो ते रस्त्यावरी

इंद्रधनू सप्तरंगी

वृक्ष डोली वार्‍यावरी

मेघ पावसाळी आले

आरोग्य तेही सांभाळा

चौरसाहार हो घ्यावा

नित्य व्यायाम करावा

आला तो पाऊस आला

वसुंधरा ती नटली

सृष्टी हो सजू लागली

प्राणीमात्र आनंदली