तिचे मुक्त आभाळ

तिचे मुक्त आभाळ 

गवसू दे तिला 

करू देत सादर मग 

तिच्या उपजत कला 

घेऊ देत भरारी 

मोकळ्या गगनात

ठेव तिच्या गुणांना 

नेहमी तुझ्या स्मरणात 

टाकू दे पाऊल तिला 

भारावलेल्या जगात 

साध्य करण्या स्वप्न 

धावू दे तिला वेगात 

नको बांधूस हात तिचे 

नको देऊस यातना तिला 

पसरू दे पंख तिचे 

आकारू दे तिच्या जगाला 

ती माता, ती बहिण 

ती असते पत्नी कुणाची 

कधी मवाळ कधी कठोर 

ती असते हळव्या मनाची