सय

पिकलं पान निरोप घेई 

सळसळ करीत खाली येई 

वाऱ्यासंगे गिरक्या घेई 

उंच उंच आकाशी जाई 

फळ पडे भूमीवरी 

पसरे बीज चोहीकडे 

वाऱ्यासंगे प्रवास करी 

माळोरानी बीज पडे 

  

आठवणींचा बहर येई 

मन माझे गाणे गाई 

येता सय गारवा येई 

आनंदाने गिरक्या घेई 

येता सर पावसाची 

झाडीवेली न्हाऊन जाती 

वाऱ्यासंगे सर पावसाची 

गिरक्या घेत नाचू लागती 

आठवणींचा मोर पिसारा 

मनास माझ्या भुलवी सारा 

पडता पाऊस फुलवी पिसारा 

संगे घेऊनि पाऊस धारा 

 

आला पाऊस आला वारा 

कोसळती या जलधारा 

धरती वरती वादळ वारा 

थैमान घाली चौफेर सारा 

अश्या कश्या काळोख्या राती 

रातकिडे किर्रकिर्र करती 

भक्ष्य शोधण्या बाहेर पडती 

 सरपटणारे सखे सोबती