सुट्टीचे दिवस

सुट्टीचे ते दिवस येता 

मुले करती गडबड फार 

आनंदाने उड्या घेता 

मोठ्यांचा खाती मार 

रात्रंदिवस हैराण करती 

इकडे तिकडे फेऱ्या मारती 

खेळून खेळून हैराण होती 

घरभर गलका सारे करती 

अंगणभर खेळ खेळती 

एकमेकांच्या खोड्या काढती 

चिडवून चिडवून राग काढती 

एकमेकांवर आरोप करती 

गट्टी होता मजा करती 

कट्टी होता सजा देती 

मार खाऊन नाराज होती 

एकमेकांना दोष देती 

रोज चाले त्यांची मस्ती 

मुले सारी दंगा करती 

अशी मुलांची दंगामस्ती 

उद्याची प्रतीक्षा करती