स्त्री

ती स्त्री असते

जी कधी कन्यारत्न म्हणून

मातेच्या उदरी जन्म घेते

साता जन्माच पुण्य

तिच्या पदरात घालते

आनंदान सार घर भरून टाकते

मायेच्या ओलाव्यान दुःखावर सहज लिंपन घालते!

ती स्त्री असते

जी कधी सून म्हणून

घराची शोभा वाढवते

आईबापाचं घर सोडून

त्याच्यासोबत येते

परकं वाटणार घर सहज आपलं करून जाते

घरातल्या साऱ्यांना मायेन जवळ करते!

ती स्त्री असते

जी कधी सासू म्हणून

घर परंपरा जपते

आयुष्याच्या शेवटपर्यंत

घरादारासाठी राबते

कधी सासूपणाचा रुबाब झाडते

तर कधी मायेन हळवा स्पर्श करते!

ती स्त्री असते

जी कधी आई म्हणून

फुलासारखं आपल्या बाळाला जपते

न मापता येणारी सुख

त्याच्या ओंजळीत भरते

निःस्वार्थ माया करून

आपल्या लेकरांवर ममतेची छाया धरते!

ती स्त्री असते

जी कधी बायको म्हणून

लक्ष्मीच्या रूपात घरचा उंबरा ओलांडते

सर्व संकटात सदैव साथ देते

पतीची छाया होऊन

त्याला सदैव धीर देते

संसार फाटका जरी असला

तरी सांभाळूनच नेते!!!!...