संत
संत
पैठण निवासी गोदावरी तीरी
विठ्ठल श्रीहरी नांदतसे
संत भानुदास महासज्जन
करितो कीर्तन वैष्णवांचे
एकनाथ नामे त्यांचाच वंशज
श्री हरी अंशज भक्ती करी
नित्यनेम पूजा भजन कीर्तन
आणि प्रवचन सांगतसे
वैष्णवांचा धर्म अस्पृश्य अकर्म
भागवत मर्म सांगी लोका
अद्वैत सिद्धांत आहे चराचर
पंचभूत सार मांडलासे
एकच सजीव नांदती सकळ
त्याचा ताळमेळ जीवा लागी
आत्माच शाश्वत नांदे त्या घरात
श्री हरी दारात सर्व एक
कथा निरूपण अभंग गौळण
केलेसी तारण जगउद्धारा
एकनाथी कीर्तन रचले भारुड
मांडले गारुड जगासाठी
जातपात भेद नासवी मंगल
जीव अमंगल नाही कोणी
धर्म कर्म सार केले प्रबोधन
अस्पृश्य बंधन नष्ट केले
साक्ष्यात श्रीहरी श्रीखंड्या बनुनी
घरी भरे पाणी एकनाथी
ऐसा पुण्य संत लाभला पैठणी
गोदेच्या विराणी एकरूप