संत तुकाराम - अभंग रचना
संत तुकाराम - अभंग रचना
त्या वसंत पंचमीला I माघ शुद्ध पंचमीला ॥
सतराव्या शतकाला I जन्म तो तुकोबांचा ॥ १ ॥
सामान्य या जनतेला I भक्ती मार्ग दाखवला ॥
पुजीयले विठोबाला I त्याच पंढरपूरा ॥ २ ॥
वारकरी संप्रदाया I प्रबोधन करावया I
अभंग ते रचावया I प्रहार शब्दांचाच ॥ ३ ॥
अभंग तुकारामांचा I संत हा जनमनाचा ॥
मार्ग खुला वेदांताचा I कवी निर्भिड असा ॥ ४ ॥
तो भागवत धर्माचा I भाग्य कळस होण्याचा ॥
या तुकाराम गाथेचा I मान गावागावात ॥ ५ ॥
व्यवसाय सावकारी I राखरांगोळी ती करी I
ओटी इंद्रायणी भरी I अर्पी गहाण खते ॥ ६ ॥
रे संताचिया पायी या I शिवबांना आठवूया ॥
नतमस्तक होऊया I गुरु शिष्य चरणी ॥ ७ ॥