शीर्षक उसळलेला दर्या

गर्द हिरवाई दाटे

खुले निसर्ग सागरी

उसळती लाटा वेगे

भेटी अधीर अंबरी   (1)

ताड माड उंच वाढे

डुले नारळ , पोफळी

काजू , सुपारी डौलात

शोभा आगळीवेगळी  (2)

भरतीची मजा न्यारी

लाटा वेगे उसळती

सुख दाटे गळाभेटी

चिंब नवथर प्रीती   (3)

बोट सागर कुशीत

येती प्रेमिक खुशीत

कुजबुज गे मिठीत

गोड तुषार शिंपीत   (4)

उंच स्वैर विहरावे

निळाईला निरखावे

येता अंबर कवेत

मन तृप्तीत नहावे   (5)

रविबिंब क्षितीजाशी

रत्नाकर आरक्तसा

मीलनासी अधिरसा

धुंद होय मदीरसा  (6)