शीर्षक गर्जा महाराष्ट्र
शीर्षक गर्जा महाराष्ट्र
सह्याद्रीतील सह्यकड्यांचे , मराठमोळे वीर
देशरक्षणा प्राणपणाने ,
तळहातावर शीर (1)
शूर शिवाजी अन् छाव्याची ,
परंपरा योद्ध्यांची
पेशवाईची रामशास्त्रींची ,
कर्तबगारी साची (2)
टिळक गोखले सावरकर नि
बाबू गेनू थोर
भारतमाता मुक्त कराया , सोडियले संसार (3)
भूमी आमुची मराठमोळी ,
संगीतकलासक्त
आशा लता ग दि मा नि रविवर्मा भक्त (4)
अभंगातही थोर साधना , ज्ञाना तुकयांची
एकनाथी भारुडे नि आर्या मयूरपंतांची (5)
वारक-यांची परंपरा ही ,
भक्तिमार्गास लाभली
पंढरीच्या विठूरायापायी ,
भावभक्ती लोटली (6)
लोकधारा महाराष्ट्राची , लावणी गण गौळण
लोकनाट्य नि कथा गजाली,
कर्णमधुर कीर्तन (7)
साहित्यगंध दरवळे येथला , अवघ्या विश्वात
बहिणाबाई शांताबाई , पु ल
वा रा कांत (8)
स्त्रियाही प्रगतीपथावर ,
राष्ट्रपतीपद भूषविले
फुले नि कर्वे दांपत्यांनी ,
ज्ञानामृत दिधले (9)
खाद्यसंस्कृती विपुल इथली ,
परदेशी संतुष्ट
पुरणपोळी नि मोदकांकडे ,
होती आकृष्ट (10)
विज्ञानातही पाऊल पुढचे ,
नारळीकर माशेलकरांचे
सावरकर नि आंबेडकर हे ,
तुरेच शिरपेचाचे (11)
प्रगतीशील महाराष्ट्र , तंत्रज्ञानातही अग्रेसर
गर्जतो कीर्तीचा डंका , परदेशी दूरवर (12)
तैलबुद्धिचे महाराष्ट्रीय ,
नाठाळांस असे काठी
हेकट तसेच मधुरही ,
भल्यांस देती लंगोटी (13)
महाराष्ट्राची संस्कृती माझ्या , असे शब्दातीत
अल्पमती मी केला यत्न ,
काव्यबंधनात (14)