शाळा

का रे बाळांनो विसरलात का मला 

ओढ लागली आहे तुमच्या भेटीला

आतुर झालय आता शाळेचं फाटक पुन्हा 

आता विसरुन सारं शाळेला जातोय म्हणा

टणटण वाजणारी घंटा तो प्रतिज्ञेचा आवाज

कुठे तरी हरवलाय शाळेतल्या प्रार्थनेचा साज

मैदानावरील कवायत सुरात चालणारा कदम ताल

घरात बसलेल्या विद्यार्थ्यांचे होत आहेत नुसतेच हाल

वर्गातली बाकं तर मुसूमुसू रडतायत

एकांतात वार्याशी उगाचच लढतायत

मधल्या सुट्टीतला हरवलाय गोधंळ धूडगूस

खोड्या चहाड्यांचा नाही राहिला मागमूस

बाई सर मारलेली हाक त्यांचा असणारा लाडका धाक

फिरवावे लागेल नव्याने शाळेचं हरवलेले चाक