सामाजिक विषय
सामाजिक विषय
स्त्रियांचा अनादर केल्यावर
पुरूषप्रधान संस्कृती दिसते
बलात्काराची बातमी ऐकल्यावर
सामाजिक बांधिलकी असते १
हुंडाबळी,भृणहत्या,अत्याचार
सामाजिक विषय आहेत सारे
सर्वांनी शिक्षणाचा ध्यास घेतल्यावर
मनपरिवर्तनाने येतील सुखाचे वारे २
अंधश्रद्धा,रूढी परंपरांचे जोखड
नवीन विज्ञान,तंत्रज्ञानाने तोडून टाकावे
वाचनासारखा एखादा छंद जोपासून
प्रगल्भ विचारांनी समाजपरिवर्तन करावे ३
व्यसनाधीनता साऱ्या समाजाला पोखरते
शारीरिक,आर्थिक नुकसानच करते
डोळस श्रद्धा,भक्तिभाव ठेवल्याने
जीवन सुखानंदाने नेहमी भरते ४
दानधर्म,सेवाभाव,माणुसकीने रहावे
जातीभेद,दंगेधोपे नेहमी टाळावे
सर्वांनी मिळून एकोप्याने रहावे
सामाजिक विषय सर्वांनी मिळून हाताळावे ५
शेतीप्रधान देश,महागाई,वेगवेगळी संकटे
साऱ्यांवरच मात करायची असल्यावर
सरकारही सुशिक्षित,दमदार येण्यासाठी
अवलंबित्व येते लोकांच्या मतदानावर ६
माणूस हा समाजप्रिय प्राणी असल्यावर
प्रत्येक सामाजिक विषयाशी तो बांधील असतो
पण प्रत्येकाला जीवन जगण्याचे बांधिलकी म्हटल्यावर
सगळीकडे अंदाधुंदी,मतलबीपणा भरलेला दिसतो ७