रजनी

काळोखाच्या रजनीमधूनी

झरझर जाती चोरपाऊले

नीती-अनीती ठाव न त्यांना

पोटासाठी काहीही करे (१)  

गोड अल्लड सानुकली

खेळ खेळी दिवसभरी

चिऊकाऊच्या गोष्टी ऐकत

रजनी रंगे बाळाची   (२)

प्रेमभावना मनी उसळती

प्रेमिक झुरती मनामधी

रात्र युगांची भासतसे

आस त्यांना मीलनाची  (३)

मुग्ध नववधू बावरते

साजण भेटीने मोहरते

रात्र रंगते प्रेमाने

निशाच त्यांना भावतसे  (४)

वरदान ही पतीपत्नींना

छळते ती विरहिणींना

अशी रजनीची रुपे नाना

आगळी वेगळी भासे मना