प्रेमातल्या त्या आठवणी...

आठवणींच्या साठवणीत

होते खूप काही..

उघडताच ते गाठोडे

बिखरले सारे माणिक-मोती..

एक-एक कप्पा

हळूहळू खोलला..

पाहताच सारा पसारा

भूतकाळ उभा राहिला..

तुझी ती पत्रे सारी

उराशी कवटाळली..

कळलेच नाही मला

कधी त्या आठवणींत मी ओलीचिंब झाली..

एक एक पान

पुन्हा नव्याने उघडले..

तुझ्यासोबत जगलेले

ते सारे क्षण आठवले..

आठवून ते दिवस

गाली हसू उमटले..

पण प्रेम हे आपुले

असे का अपुरेच राहिले..