बळीराजाची हाक..

या शिवराच्या मातीने

हाक अशी घातली

करपून गेल रानं

ओढ आम्हा तुझी लागली...

एक-एक पै जमवुन

बियाणही आणली

तुझ्याविना पावसा रं

माय माझी रुसली.

अन्नापाण्यावाचुन जाई

एक-एक दिस माझा

तूझ्या वाटकडचं रं

डोळे लाऊन बसलाय

हा शेतकरी तुझा..

आठवुन सारी कर्जे

डोळ्यात आसवं दाटली

फाटकी ही कापडंसुद्धा

मग माझ्यावरचं हासली..

तितक्यातच ऐकू आली 

साद मला टिटवीची

तिलाही ओढ लागली

या पावसाची..