प्लास्टिक पिशवी

माझी नि तुमची

ओळख जूनी खुप.

विविध आकार नि

रंगीत माझे रूप.

असो लहानथोर

वा बाया बापडे,

साऱ्यांना आवडे

माझे गोड रूपडे.

घर किंवा दुकाने

असो बाजार मोठा,

माझ्या हजेरीला

नव्हता कधी तोटा.

उपयोगी जरी मी

पर्यावरणास घातक.

थांबव वापर माझा

करू नको रे पातक.

सोड माझी संगत

नसता होईल दंड.

कोपला जर निसर्ग

तोही करेल बंड.

माझ्या वापराने

होईल तुझा घाटा.

तुझ्या भल्यासाठी

मला दे रे फाटा.

चालले सोडून मी

आज तुझी साथ.

ओळखशील का

भेटले जर भविष्यात?