फटफजिती
फटफजिती
कडक उन्हातून आले पाहुणे
चहाची वेळही टळली होती
म्हणून म्हटले करावे सरबत गोड
लिंबाची फोड नेमकी सापडत नव्हती
गुळ पाणी देऊन केले त्यांना स्थानापन्न
गप्पागोष्टीत कसातरी घालवला तास
चार वाजले एकदाचे घड्याळात
दरवळला मग सर्वत्र चहाचा वास
फटफजितीने सुरू झाली कुजबूज
एव्हाना हा प्रकार लक्षात आला पाहुण्यांच्या
बिस्किटे अन् चहाचा आस्वाद घेत
हसून हसून पोटात दुखले साऱ्यांच्या
नट्टापट्टा करून दारातून बाहेर पडणार
तितक्यात वाजली दाराची बेल
संतापाने दार उघडताच
दिसली पाहुण्यांची रेलचेल
असे पाहुणे येती
अन् कार्यक्रम रद्द होऊनी जाती
सुरू होई परत चहाची तयारी
पाहुण्यांच्या आदरतिथ्याला सारेच लागती