लाइब्रेरी
प्रोफाइल
पहिला पाऊस
पहिला पाऊस
1 min
171
घननीळ सावळ्याची
ओढ तृषार्त धरेला
आला पहिला पाऊस
सखा साजन भेटीला।
स्पर्श पहिल्या थेंबाचा
गंधाळली काळी माती
चिंब चिंब देह होता
गीत पाखरे ही गाती।
नवी नवेली नटली
शालू हिरवा नेसून
काय जादू अशी झाली।
झळ उन्हाची सोसून।
श्वासा गहिवर आला
फुटे अंतरीचा कोंब
गर्द महिरप ओली
न्याहाळीते प्रतिबिंब।
सुखावली सारी सृष्टी
बळीराजा आनंदला
पेरणीच्या हंगामाला
पावसाने वेग आला।
आता बरस संतत
नको धरु धीर काही
धनधान्य संपन्नता
मोल मातीचे सवाई।
