पैलवान काळ्या आईचा

रुबाब माझ्या बाबाचा

आकाशाला छत्र करून

शेतामध्ये राबायचा

डोळीवर सुर्य आला

त्यालाही लाजवायचा

पैलवान हा काळ्या आईला

हिरवा शालू नेसवायचा

सर्जा राजाच्या जोडीने

गाजवला हा भाग सारा

तोरा माझ्या बाबाचा

भयभीत होई गाव सारा

थकला नाही थांबला नाही

मरेपर्यंत केली सेवा

रुबाब माझ्या बाबाचा

शेतामध्ये राबराब राबायचा

पैलवान हा काळ्या आईला

हिरवा शालू नेसवायचा

दुष्काळग्रस्त झाला तरी

दोरी वर नाही लटकला

कंबर खचून चालत राहिला

कष्टा पुढे त्याच्या काळ ही रडला.....

रुबाब विधाताचा.....

काळ्या आईत मिसळला...

पैलवान तो काळ्या आईचा

तिला हिरवा शालू नेसवला.....