पावसाच्या सरी

थेंब टपोरे पडती 

कधी सरसर धारा येती 

कधी रिमझिम सरी पडती 

मुसळधार त्या कोसळती 

सर सर पाऊस धारा 

संगे वारा घेऊन आला 

कोसळती भूवरी धारा 

नदया ,ओढे भरुनी आला 

मोत्यांचा पाऊस आला 

थेंब टपोरे बरसून गेला 

नद्या ,तलाव भरून आला 

तरंग निर्माण करुनी गेला 

सरी कोसळती भूवरी 

आनंदाच्या येती लहरी 

भेगा बुजूनी जमिनीवरी 

प्रवाह सर्वत्र दिसती भारी 

ही गर्द शोभे वनराई 

झाडवेली न्हाऊन जाती

प्रसन्नता पाहत राही 

गवताची ओली पाती 

सरीवर सरी पडती 

क्षणभर मागे फिरती 

जलप्रवाह निर्माण करती 

सृष्टीला आनंद देती